ഡല്‍ഹി: ലഡാക്കില്‍ സ്ഥിതിഗതികള്‍ രൂക്ഷമായിരിക്കെ 2008ല്‍ കോണ്‍ഗ്രസും ചൈനയും തമ്മില്‍ കരാറില്‍ ഏര്‍പ്പെട്ടിരുന്നതിന്റെ നിര്‍ണായക വിവരങ്ങള്‍ പുറത്ത്. ചൈനീസ് കമ്മ്യൂണിസ്റ്റ് പാര്‍ട്ടിയും കോണ്‍ഗ്രസും യോജിച്ച പ്രവര്‍ത്തനം ലക്ഷ്യമിട്ട് തയ്യാറാക്കിയ കരാറില്‍ രാഹുല്‍ രാജീവും ചൈനീസ് പ്രസിഡന്റ് ഷി ജിന്‍ പിങുമാണ് ഒപ്പുവെച്ചത്.
രാഹുല്‍ രാജീവും ഷി ജിന്‍പിങും കരാറില്‍ ഒപ്പുവെക്കുന്ന ചിത്രങ്ങള്‍ വൈറലായിട്ടുണ്ട്. ചൈനീസ് കമ്മ്യൂണിസ്റ്റ് പാര്‍ട്ടിയും കോണ്‍ഗ്രസും തമ്മില്‍ ഒപ്പുവെച്ച കരാറിനെക്കുറിച്ച് എന്‍ഐഎ അന്വേഷണം ആവശ്യപ്പെട്ട് മുതിര്‍ന്ന അഭിഭാഷകനും ബിജെപി നേതാവുമായ മഹേഷ് ജെത്മലാനി രംഗത്തെത്തി. രാഹുലും ചൈനീസ് പ്രസിഡന്റും കരാറില്‍ ഒപ്പുവെക്കുന്നതിന്റെ ചിത്രം ഉള്‍പ്പെടുത്തി അദ്ദേഹം ചെയ്ത ട്വീറ്റിലാണ് ഇക്കാര്യം വ്യക്തമാക്കിയത്.
സോണിയ രാജീവിന്റെ സാന്നിദ്ധ്യത്തില്‍ കോണ്‍ഗ്രസും ചൈനയും തമ്മില്‍ ഒപ്പുവെച്ച കരാര്‍ രാജ്യസുരക്ഷയെ ബാധിക്കുമെന്ന് അദ്ദേഹം പറഞ്ഞു. യുഎപിഎ നിയമപ്രകാരമുള്ള അന്വേഷണമാണ് മഹേഷ് ജെത്മലാനി ആവശ്യപ്പെട്ടിരിക്കുന്നത്. 2008 ഓഗസ്റ്റ് 7നാണ് കോണ്‍ഗ്രസ് ഇത്തരത്തിലൊരു കരാര്‍ ഉണ്ടാക്കിയത്.
Discussion about this post